المرأة والابراج ... برج الحوت

المرأة في برج الحوت مسالمة رقيقة قادرة على ضبط انفعالاتها باستمرار، ترفض الاشياء المزيفة، والكلام الصادق والواضح يسعدها، تفضل زوجا قديم الطراز

وكبير السن ، امرأة باردة جدا لا يبدو عليها أي قلق فيما يتعلق بالغد، لا تعرف الغضب ولا الحقد، عواطفها تخمد بسرعة وغضبها لا يدوم اكثر من لحظات، تفضل ان تعيش في جو من السعادة والمرح ، ولا تهتم حتى لو انقلب العالم راسا على عقب تبحث عن علاقة قوية وثابته لانها تريد الاستقرار ، فهي حنونة وعاطفية وصريحة تتمتع المرأة الحوت بالذكاء والمراوغة ، متفهمة لآراء أصحابها.

الحوت العاشقة حارة المشاعر ، لطيفة ، جاذبيتها اخاذة ، رقيقة رومنطيقية ، عميقة العواطف والاحاسيس، صمتها مليء بالمعاني والغموض، تدخل القلوب بسرعة البرق قليلة الكلام كثيرة الصمت للعاشقة حوت شخصية يصعب سبر أغوارها والوصول الى عالمها الجاخلي العميق ، لانها تمثل جمالا يتحدث عن نفسه بكل اللغات ، وهذا الجمال قد يكون شكلا ، روحا ، قلبا ، فكرا ، عاطفة ، كل هذه الاشياء بالاضافة الى اشيا اخرى لا يمكننا أن نحصل عليها أو نتجاوزها . ففيها عالم يضج بالمعانييغمرك بشعور لا يمكن تفسيره، مع الحوت العاشقة ، في الحب لا يكفي ان تكون طيبا ، تحتاج هي الى الكثير، هي حقا شخصية غريبة في بين عالم متناقض يقوم على الحب والتسامح والمغفرة والالم والعذاب والتضحية...

الله ينور يا قمر انا كنت عايزة البرج ده لانه برجى انا مع انه فيه كلام مينطبقش عليا اوى بس مشكوره على المجهود
تحياتى
مرمر

موضوع: رد الجمعة أغسطس 17, 2007 10:47 pm

المرأه .... المرأه ......المرأه

فين الرجل امال ياجماعه وفين المساواه

انا بطالب بالمساواه ياشباب وعايز الرجل برج الحوت
0
<\\>
_//_
اما بقى بالنسبه للمرأه الحوت فلا يكفينى فيها اى كلام

اوعى تقوليلى ده ركن المرأه ومش هجيبلك الرجل برج الحوت *..* لحسن عنيه ممكن تدمع

عموما شكرا علي المواضيع الجميله دى

فتى الشباب

ههههههههه هى فين المساواه دى ياخويا مش شايفاها

وبعدين انتا بتطالب بالمساواه ربنا يستر عليك بقا
تحياتى
مرمر

انت تأمر من عيونى واجبلك اللى انت عاوزة ولا تزعل نفسك من غير مساواة ولا حاجه .

وانت بردوا تصدق الحاجات ديه ..

مساواة ايه وكلام فارغ ايه ....

موضوع: رد السبت أغسطس 18, 2007 1:15 am

هههههههههههههههه
الله يكرمك ياعسل ويارب يخليكى للشباب يارب
وبالنسبه لمووضوع المساواه اعتقد ان مع فتى الشباب ليه مفهوم اخر بردوو ههههههه

فتى الشباب
لكل شيء مفهوم اخر

حلوة ديه .

سيتك من الواضح فرع اخر من روتانا سينما ولا ايه ..

ربنا يعزك يا رب ويكرمك .

بس بعد أذن سيتك أحب اعرف ايه مفهومك الآخر عن المساواة ؟؟

موضوع: رد الأحد أغسطس 19, 2007 4:49 pm

سيتك من الواضح فرع اخر من روتانا سينما ولا ايه ..
اعتبرها تريقه ..... ولا اعتبرها مجامله .... ولا اعتبر انى هزارى بايخ ومهزرش تانى فى المنتدى

لو عايزه تعرفى ايه المفهوم الاخر عن المساواه هقولك ومش هبخل عليكى بس بعد ماتردى علي السؤال
بتاعى اعتبر الجمله الي فوق دى ايه

السلام عليكم /

بص يا عسل ده هزار ولو فى اعتراض قولى مش فيها اى احراج ..

ولو انا كنت اضايقت من هزارك مكنتش دعيتلك ،، ولا كنت سألت عن وجهه نظرك لانى بجد مهتمه اوى بالموضوع ده واحب أجمع أراء ولا أيه !

واحنا أخوات لان تقريبا كل اللى فى المنتدى أصحاب ونعرف بعض يعنى موضوع الهزار ده عادى بنا لكن طبعا يكون فى حدود .

وعلى العموم حصل خير يا سكر انت .

موضوع: رد الأحد أغسطس 19, 2007 11:14 pm

وعليكم السلام ورحمه الله وبركاته

اولا ياقمر اكيد احنا اخوات ومفيش اى مشاكل من اى نوع ممكن بس اكون اسأت الفهم
واهو ياستى اديكي هزرتى مع فتى الشباب ودخلتى التاريخ من اوسع ابوابو.....
الجمله دى بردو من ضمن الهزار على فكره *..^
وعلى فكره انا حابب جدا اننا بجد نكون اسره واحده نلاقى بعض فى الاوقات إلى نحتاج بعض فيها
ده شيء بجد يسعدنى
اما بقى بالنسبه مفهوم المساواه الاخر من وجهت نظر فتى الشباب
فمعلش اعزرونى هتلاقو معايا لكل شيء مفهوم اخر !!!
المفهوم بقى هو
المساواه بين الرجل والمراه والشاب والفتاه عن كل الناس بتعني

مساواه =خروج =شغل =صوت عالى =حرية تعبير = لبس ...
اما بقى من وجهت نظر فتى الشباب المساواه ...
>>>>>>>>>>>>>>>>>> بتساوى حب
كل شاب مننا ليه اخت ليه حد قريب منو بيكون انانى قوى فى موضوع الحب ده
عايز هو يحب اى بنت ويعيش معاها قصه انما لو اختو حبت لو قريبتو دى حب
مش بيكون فيه اى مساواه بينو وبينها دى اكتر نقطه بطالب فيها بالمساواه
كل شاب يقرب لاختو يقرب لأى بنت تكون مسئوله منو ويكون حنين معاها
ويسمعها وينصحها وقت ماتحتاج النصيحه وميكنش دكتاتور ومتسلط لان الى ممكن يتم ويكون بعلمه
ممكن يتم وبدون علمه وهذه هى اسؤ المسارات بجد إسال مجرب ومتسألش طبيب
طبعا مش بطلب البت تعمل إلي هيه عايزاه بس انا حابب قوى انها تتساوى بالولد والولد يتقبل هذا

فتى الشباب

السلام عليكم /

وعلى فكرة لو انا دخلت التاريخ فأنت دخلت موسوعه جانو عشان انا كلمتك ...

وعلى فكرة مفيش داعى اننا بعد كل جمله نقول ديه تبقى ايه هزار ولا جد هيبقى دمها تقيل اووووووووووى ،، احنا أسرة واحده وفهمنا بعض وانا الشرف ليه اننا نكون اخوات .

وبجد وجهه نظرك ديه قريبه من مبدأى اوى ، وحصلت معايه انا شخصيا كان متقدملى اخو واحده صحبتى وفى مرة سألته لو أختك حبت شاب زى انا مثلا هتعترض .

تعرف جاوب وقال ايه :

لو الشاب ده مثلى انا هكون مطمن عليها ،، وللعلم هو كان انسان على خلق ودين رفيعان جدا .

لكن فى مرة قلى ان فى حاجه انا مش رديت عليكى فيها بأمانه انه عمره ما هيقبل ان اخوته تحب

وده كان دافع قوى اوى خلانى انسحب عن الموضوع ..

مهما تظاهر الرجل الشرقى بالتمدن والتحرر فكل منهم بداخله سى السيد الذى يريد ان يكون له هيبته فى منزله .. لكن بره يدور ورا الراقصات عشان يفرفش وده فى نظره مش عيب .

يحب يمتع نظره بأفلام وفيديو كليبات مليئه بالعرى وفى نفس اللحظه تظهر عنده حمئه الرجوله بمجرد انه يشوف بنته ولا مراته مش لبست طرحه فى البلكونه ولا لبست لبس ضيق شويه يظهر الواعظ الدينى وقتها ... منتهى التناقض والجبن و..... ورص زى ما يعجبك .

لك خالص تحياتى

موضوع: رد الإثنين أغسطس 20, 2007 12:44 am

التاريخ يبقى ولا يموت
اما الموسوعات تُمحى بالارقام القياسيه الجديده
انا التاريخ .......
واااا حر قلباه ممن قلبه شبم... ومن بجسمى وحالى عنده سَقمُ .... تبقى الكلمات ولا يمحوها شيء
عموما فعلا عندك حق بس مش كل الرجاله بالشكل البشع ده
فيه ناس بتعرف ربنا وبتعرف بردو تحقق المساواه وعشان كده انا بحاول اتكلم في الموضوع ده
عشان النايم يصحى والغفلان يفوق من الغفله

فتى الشباب

على فكره كل كلمه قولتيها صح ميه فى الميه هما فعلا منتهى التناقض وانت يا فتى الشباب مفهومك للمساواه فعلا مفهوم اخر وانا فرحانه ان لسه فى ولاد بيفكروا كده

كلامك صح بالنسبه للتاريخ ،، اما بالنسبه لارقام الموسوعه لايمكن محوها عندما تكون جدير على الاحتفاظ بمكانك ومش بس كده لابد ان تسعى ايضا للحصول على رقم اعلى .

واكيد طبعا لازم نتعرض جميعا لموضوع زى ده لانه فعلا يستحق الاهتمام .