تقدر تقولى احلى حاجه ايه انا اقوللك الى انت يكون ليك اصحاب تثق فيهم و تطمن معهم و انهم يكونوا زى اخواتك تقدر تحكليهم و تفضفض معهم على الى شغالك و اى حاجه مضيقك انا اقدر اقول انا الاصحاب الكويسين الى بيخافوا على بعض نعمه من عند ربنا تصور الى انت من غير اصحاب فى الدنيا ده تصور ده هتحكى لمين اما تتضايق او تمشى مع مين قولى .
وتقدر تقولى احلى وقت بتقضيه مع مين حد يقولى مع البنت بتاعتى اقوله لا احلى و قت بتقضيه اما تكون مع اصحابك تلقى الوقت بيعدى بسرعه و متبطلوش ضحك وهزارولا لعب كمان و فى الجد الكلام يخدك من موضوع لتانى بتبقى مش راضى تنهى الكلام خالص .
تقدر تقولى الصاحب الانتيم يعنى ايه اقوللك انا الصحاب الانتيم الى يعرف عنك كل حاجه يعرف الكلام الى انت عايز تقوله قبل ماتقوله يعرف لو كنت مضايق و لا يعرفك اكتر مانت تعرف نفسك ينصحك وقت النصحيه و يقف جانبك وقت الشده يسبك لم يعرف الى انت ممكن تقدر تعدى الموقف ده لو حدك الصاحب الانتيم بيخاف على صاحبه و يبعد الشر على صاحبه و يشترى صاحبه و لا يبعك ابدا.
دلوقتى اقولك اوعى تخلى حد زعلان منك من الى تعرفهم او اصحابك عشان مش هتنام وانت مستريح و لو حاسس الى انت مستريح انت فى الحقيقه مش مستريح ازاى تنام و حد زعلان منك او مش بيحبك اتصل او روح اصلا على الى زعلان منك من اصحابك ...عشان زى القناعه كنز لا يفنى الاصحاب ايضا كنز لايفنى
haMada2007