منتديات قمر العرب ( قمر فى سماء كل العرب )


 
الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 صعيدى بيحب بنت استايل اوى اوى فى الجامعه (حلقات)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: صعيدى بيحب بنت استايل اوى اوى فى الجامعه (حلقات)   الثلاثاء أكتوبر 30, 2007 11:08 am


ده يا جماعه قصه احمد الصعيدي

ومع بعض كده

هنشوف حياته عامله ايه في الجامعه

لو شفت منكم ردود

هتلاقوني مظبطلكم الحلقات بتاعت القصه دي


نبتدى بالحلقة الاولى


احمد: لو سمحتي حضرتك...ممكن براية
نور: ههههههههههههههههههههههههههه
احمد :حضرتك بتضحكي على ايه ممكن اعرف يعني لو سمحتي
نور : مش عيب شاب في سنك يطلب براية ..ده احنا في جامعة
احمد : طيب معاكي شفرة...عشان المحاضرة هتبدأ خلاص
نور : ايييييه..ايه شفرة دي..ممكن تسكت لو سمحت
احمد : حد معاااااااه براااااااااية....او قلم زيااااااادة..ردوا
نور: انت اكيد مجنون وطي صوتك الطلبة كلها بتضحك عليك
احمد :ويضحكوا ليه ولاد الدزمة دووووووووول
نور: خلاص خلاص انا هنقل المحاضرة وبعدين اديلك تصورها
احمد :شكرا بس انقلي كويس ..وياريت تنظمي الكراسة

(اثناء ما المحاضرة شغالة ونور شغالة كتابة واحمد هيموت عشان مش معاه قلم)

احمد: يا انسة خطك زفت زفت..انتي مش مسطرة الصفحة ليه ...وفين التاريخ الهجري .يادي النيلة عليا وعلى الجامعة
نور : انت مالك ومال خطي مش كفاية هديلك تنقل مني وهتعطل انا
احمد : ليه وانتي عربية اصلك علشان تتعلطي..هما البنات متعطلين خلجة
نور : انت انسان قليل الادب...بجد مش بتعرف تكلم البنات ازاي
احمد : لأ يا شيخة والنبي المرة الجاية تبقي تجيبيلي الكتالوج بتاعك

(نور عشان رقيقة سكتت ومش عرفت ترد على بجاحة احمد وانتهت المحاضرة )

اثناء خروج الطلبة من المدرج...احمد حب يستظرف بس بطريقة غبية شوية
احمد وسط حشد من الطلبة بنات وولاد
وكأنهم قطيع من المواشي
هررررررررررررررررررر...وضحكته سمعت كل اللي ماشي

(نور بتحكي مع زميلتها من كلية تانية على احمد )

نور : بصي يا هالة الولد ده....فضيحة فضيحة يعني...وحكتلها على اللي حصل
هالة : تلاقيه شاب تحفة...مش باين عليه استايل خالص..ده لابس بدلة وكرافت
نور : بس تعرفي شكله وسيم اووووي...حاسة انه طيب وعلى سجيته
هالة :اوووو...ده وسيم؟...ده مش حاطط نقطة جيل على شعره حتى..شعره منعكش جدا
نور:يا ستي سيبك
هالة: على رأيك

خلص اول يوم في الجامعة وقبل النهاية بدقايق

احمد: يا استاذة يا انسة فين المحاضرة عايز انقلها هاتيها يلا يلا بسرعة
نور : تنقل ايه يابني دي عشر ورقات غير في رسومات وجداول
احمد :ومالهم يعني عشر ورجات انتي هتخلفي وعدك ولا ايه
نور : انا مقلتش كده بس في حاجة اسمها تصوير..اسرع يعني
احمد: هههههههههههههههههه اصور ايه بخطك الزفت ده..شوفي ...زفت
نور: حقيقي انا غلطانة وكلام هالة باين عليه صح...بعد اذنك..اوف

سابته ومشيت .....وقال

احمد: عليكي يا شيخة وعلى هالة وعلى الجامعة كلتها....وبرضه خطك زي الزفت

عاوزين تعرفوا اليوم اللي بعده حصل في ايه
تابعوا معايا بقى قصة حب احمد الصعيدي ونور البنت الاستايل
سلامووووو عليكوووووووووو
مع تحياتي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الثلاثاء أكتوبر 30, 2007 2:47 pm

ههههههههههههههههههههههههه

جميلة جداااااااااااااااا

فى انتظار اليوم التانى

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
sosoneta
مشرفه بين الناس
مشرفه بين الناس
avatar

عدد الرسائل : 173
تاريخ التسجيل : 31/07/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الأربعاء أكتوبر 31, 2007 1:16 am

القصة عجبتنى جداااااااا بس بجد تموت من الضحك ساعة محب يستظرف ويقولهم هرررررررررررررر وراح ضاحك زى الى يقول نكته بايخه ويضحك عليها
مستنيه اليوم التانى على نااااااااااااار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الأربعاء أكتوبر 31, 2007 3:46 am

الحلقه التانيه

وجه اليوم التاني....ولسة الحياة الجامعية لم تؤثر على تلاميذ الثانوية العامة
...بس مع بلدياتنا احمد ...ماشية عكس خالص...مش عارف يتأقلم عليها
وتعالوا نشوف الايام والحياة الجامعية هتعمل ايه في احمد وهيتعامل معاها ازاي
كان ميعاد المحاضرة الساعة 8 صباحا...كان احمد واقف قصاد المدرج
من 6 الصبح مش عارف ليه ونبتدي الحلقة التانية يا جامدين


احمد: ديب ديب ديب انتوا يا ناس يللي هنا...افتحوا الباب
الساعي : يا فتاح يا عليم يا رزاق يا كريم
احمد: ماترش ميا يا راجل قصاد المدرج عشان تستفتح
الساعي:يا كابتن المحاضرة لسة الساعة 8 مفيش دخول دلوقت
احمد:هدخل يعني هدخل..عليا النعمة هدخل هاااا
الساعي: قفل الباب في وشه ودخل جوا
احمد : يا ابن الدزمة انت هتضيع عليا المحاضرة شكلك
احمد: اما اروح اجيب كوباية شاي سخن مولع
الراجل: تؤمر بأيه يا فندم
احمد : شاي خمسينة بنعناع
الراجل: ايه ايه...مفيش نعناع
احمد: ومفيش نعناع ليه
الراجل : هو كده مفيش نعناع على الشاي ..النعناع لوحده
احمد :طيب هات نص كوباية شاي ونص كوباية نعناع
الراجل: خد فلوسك اهي
احمد:طب والشاي ابو نعناع فين
الراجل:اوووف
احمد:اوووف على دماغك...ابن دزمة صحيح


كان فات حوالي ساعة ونص وهو واقف في الكافتيريا عشان يشرب شاي
قرر انه يرجع للمدرج عشان يلحق مكان وبالفعل حجز مكان وخرج تاني عشان
يجيب شاي من كافتيريا تانية...ونجح انه يجيب المرة دي ..دخل المدرج وفجأة
لقى مين اعد مكانه ...مين مين مين....لقى نور فارشة كل حاجتها
وبتشرب كابتشينووووووووووووووووو

احمد : بصوت لا يطاق....ايييييييييه ده يا هانم...هي وكالة من غير بواب
نور :وطي صوتك من فضلك انا بتكلم بهدوء وبأدب
احمد:هي دي طريجتي..عاجبك ولا مش
نور:طيب انا مش هقوم
احمد: هروح للعميد يجي يقومك
نور:ههههههههههههههههههه
احمد:بتضحكي على ايه يا باردة
نور: لم نفسك
احمد: شايفاني مبعتر في الارض ولا اييييييييه
نور: مش هتحضر...هههههههههههههه
احمد :عليا الطلاج لأحضر غصب عنك وعن عين الدك....


وفجأة سمع صوت الدكتور بيناديله

ونكمل الحلقة الجاية ان شاء الله


ووروني ردودكم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الخميس نوفمبر 01, 2007 1:41 am

ياترى الدكتور عمل معاه ايه

فى انتظار الحلقة التالتة يا مرمر

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   السبت نوفمبر 03, 2007 8:01 am

الحلقه التالته

وقف الدكتور بكل ثقة...وبص على الطلبة كلهم
من بين كل الطلبة وقعت عينه على احمد وهو مكشر
الدكتور:مالك يابني مكشر من اول السنة ليه كده
احمد :لو سمحت معاك نمرة ماحمول العميد
الدكتور : ههههههههههه ايوة ليه
احمد : عاوز اقدم شكوى في البت دي
نور :متقولش بت
احمد :هجول بت وستين بت كمان قومي يلا
الدكتور : بس بقى اخرس شوية يا اما هطردك
احمد : انا ...تطردني ليييييييه هاتلي مكان سعادتك
الدكتور : تعالى اعد جنبي هنا على الكرسي ده
احمد : وااه...اجعد جنبك مرة واحدة يا داكتووور
الدكتور :ايوة تعالى

وهو نازل راح وقع الكتاب بتاع نور ورمى اقلامها
راحت نور ضربته على ضهره..قال ااااااااااااه
وصوته سمع المدرج كله والكل فضل يضحك عليه


الدكتور : اطلع برا يلا...مش هتخضر المحاضرة
احمد : ابوس ايدك يا بيه انا امبارح مكتبتش والنهاردة محضرش...مين يرضى بكده يا ناس
وهو خارج رمى عينه على نور ولمح فيها نظرة عطف جميلة

بعد ما المحاضرة انتهت...نور خرجت لأ حمد

نور :بجد انا اسفة اوووي
احمد : على ايه بقى ما المحاضرة خلاص
نور : خد المحاضرة بتاعتي انقلها وانا هستناك
احمد : بجد بتتكلمي بجد
نور : ايوة مع انهم اكتر من عشر صفحات بس هستناك
احمد : متشكر يا مازمازيل نورة
نور : لأ قول نور بس احنا اصدقاء وابتسمت ومشيت

احمد عمال ينقل وعمال يقول في سره...خطها زي الزفت
بس شكلها طيبة جوي....الخط مش كل حاجة في الانسان يعني
احمد لمح نور وهي جاية وبتبتسم بخجل

ووووووونكمل الحلقة اللي جاية

انتظرووووووووووووا الحلقة الرابعة قريباااااااااااا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   السبت نوفمبر 03, 2007 10:07 pm

أخيرا بدأنا الجد فى الانتظار يا مرمر

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الإثنين نوفمبر 05, 2007 8:32 am

ازيك يددع منك ليها ليه لوه

اتاخرت جوي عليكم انا عارف

وروا للوله احمد ردود وهو هيدبني هنا علي طووول


سمعتوا احمد قالكم ايه؟؟؟؟


القصه متوقفه عليكم انتوا بس


يلا يا احلى شباب مش هررغى كتييييير وعلى الحلقة الرابعة على طووووووول

بعد ما الدكتور طرد احمد من المحاضرة بسبب نور
وخرج زعلان خالص ونور صالحته وقالتله خد المحاضرة انقلها
واثناء ما كان بينقلها وبيقول خطها وحش بس هي طيبة كانت هي جاية بتبتسم

نور : احمد انت خلصت المحاضرة
احمد : لأ لسة انا في اول صفحة مش عارف اجرا الكلمة دي
نور قرت الكلمة
نور : اوكي كمل انا هستناك
احمد :لا لا انتي لازم تروحي دلوقتي عشان انتي اتأخرتي خالص
نور : طيب والمحاضرة
احمد : تتحرج المحاضرة
نور ضحكت ضحكة رقيقة جدا حركت قلب احمد الاسد
احمد : ممكن اوصلك لحد الباب...والله لحد الباب بس
نور : اوكي اوكي مفيهاش حاجة اتفضل
احمد : انتي في الجامعة هنا من امتى
نور :ايه يا احمد انا في سنك لسة اول سنة
احمد : انا عارف انا عارف
احمد : وياترى دخلتي هنا واسطة ولا ايه
نور : هههههههههههههههههه ...احمد مالك في ايه
احمد : لا بهرج معاكي
نور : تعرف انك
احمد :اني ايه
نور : طيب اوووي
احمد : وانتي انسانة محترمة اه فعلا محترمة بجد
نور : ميرسي
احمد :يالهوي ياني انا منجلتش المحاضرة بتاعت النهاردة
نور : ميرسي يا احمد على التوصيلة الجميلة دي منك
احمد : انتي رايحة فييييييييييييييييين
المحاضرة
المحاضرة
المحاضرة
وووووووونشوفكم الحلقة الجاية ان شاء الله ومع يوم جديد من ايام الجامعة
و احمد ونووووور


وانتظروااااا يا أحلى شباااااااب فى الدنيا الحلقة الجاية قريب ان شاء الله

علشان الدنيا هتتظبط مع احمد خاااااالص

واشوفكم على خييييييير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الإثنين نوفمبر 05, 2007 3:01 pm

الحلقة دى قصيرة لكننا فى انتظار الحلقة القادمة

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
soso55555
عضو جديد
عضو جديد


عدد الرسائل : 16
العمر : 29
Localisation : alex
تاريخ التسجيل : 08/11/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الخميس نوفمبر 08, 2007 1:20 am

مرسى ياقمر ومستنين بقيت الحلقات اوشكنا على النهاية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الجمعة نوفمبر 09, 2007 10:05 pm

يلااااااااا بسررررررررعة على الحلقة الخااااااااامسة

ومعلش على الكام يوم تأخييييير دوووووووول

هااااي اصحاب...ازيكم يا احلى واجمد شباب...جاية النهاردة ومعايا الحلقة الخامسة...وطويلة هتكون...قولوا يارب...يلا ..مستعدين


احمد مأجر شقة مفروشة وساكن فيها فترة الدراسة....ظبط المنبه بتاعه على ميعاد الجماعة
جرس الباب بيرن...بيرن...خبط جامد....احمد قام مخضوض وبيفتح الباب وووفجأة




هاي..انا جارتك اللي ساكنة قصادك
احمد : طيب وانا اعمل ايه يعني جارتي ولا مش جارتي
تؤ...طيب قول صباح الخير..قول صباح النور..قول صباح اللي بتغني
احمد : يا فتاح يا عليم يا رزاق يا كريم...يادي النيلة ..انتي عاوزة ايه مني دلوقتي
انا ؟ ؟
احمد : امال امي
تؤ تؤ انت عصبي كده ليه...كل شئ بالتفاهم وبالهدوء...اعملك نسكافيه يهدي اعصابك
احمد : متشكر يا ستي متشكر خالص انا...عاوزة ايه مني على الصبح كده انا ورايا جامعة
ايه ده ..انت بتروح الجامعة...انا بفتكرك في المدرسة
احمد : صبرني يارب صبرني ...جولي عاوزة ايه هتأخر على الجماعة
عندك حبة شطة
احمد : هاا...جلتي عاوزة ايه
شطة شطة....اللي بتخلي الاكل يوحوح
احمد : لا انا مش بحب اوحوح عن اذنك...وقفل الباب ولبس بسرررعة ونزل

ركب الاتوبيس

احمد : الاجرة بكام لو سمحت يا اخينا
رد شاب ستايل...ههههههههه ايه اخينا دي دي كلمة قديمة موت
احمد : ماشي يا عم الجديد....بكام الاجرة
الكمثري :بجنيه وبريزة يا كابتن
احمد : اشمعنى وبريزة
الكمثري : حكومة تقدر تتكلم
احمد : خد يا عم ونزلني عند الباب الرئيسي

احمد داااااااااخل بيجرررري....وهووووووب...خبط في بنت وقع عليها العصير

انت غبي ...انت مبتشوفش
احمد :هشششششششششش
انت قليل الادب مش محترم كمان
احمد : هسسسسسسسسسس
احمد : انا ورايا محاضرة مش فاضيلك انا خدي منديل
انا هوريك انا لازم ابهدلك
يا عمرو يا وائل يا هيثم

عمرو : مالك بيها يا تحفة
وائل : انت لازم تتربى كويس
هيثم : مش هتروح سليم النهاردة

نور لمحت الخناقة من بعيد

نور : احمد احمد في ايه
احمد : ابعدي انتي يا نور ده تار قديم وهيخلص النهاردة
نور : احمد دي جامعة انت ممكن تتفصل
احمد : ومحضرش محاضرات تاني ؟
نور : ايوة ايوة انا هروح انده الامن
احمد : تندهي الامن يشيلوا جستي ولا ايه

وفجأة الامن جه والمشكلة اتحلت والحمد لله احمد خرج سليم
مع انه كان ادها وادود يعني بس خاف طبعا على مستقبله



احمد : متشكر يا نور جوي
نور : ده اقل واجب يعني
احمد : انتي عملتي الواجب صح
نور : واجب ايه يا احمد هو احنا في مدرسة
احمد : ههههههههههه اصلها فاكراني في المدرسة
نور : هي مين دي
احمد : اللي عاوزة الشطة
نور : انا مش فاهمة حاجة يا احمد
احمد : انتي بتحبي توحوحي
نور : هههههههههههههههههههه
احمد : هههههههههههههههههههه
نور: تعرف يا احمد ان دمك خفيف اوي
احمد : ربنا يخليكي انا مش بجدر على الكلام ده
نور : هو انا قلت حاجة يا احمد
احمد : ايوة دمي خفيف وحلو ومسمسم والكلام الكابير ده
نور : ههههههههههههههههههههههه
احمد : بتضحي على ايه عاد
نور : ههههههههههههههههههههههه
احمد : يوه يوه يوه
نور : المحضارة هتبتدي يا احمد يلا نحضر
احمد : ماتيجي نتمشى شوية في الحديقة وبلاش المحاضرة
نور : بجد ...طيب يلا
احمد : ال حديقة ال....يلا يا هانم نلحج المحاضرة انا حاجزلك جنبي


احمد دخل لقى اتنين اعدين مكانه هو ونور
ووووووووووووووووووووووووووو
نشوفكم الحلقة الجاية على خيييييييير الحلقة السادسة ان شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
soso55555
عضو جديد
عضو جديد


عدد الرسائل : 16
العمر : 29
Localisation : alex
تاريخ التسجيل : 08/11/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   السبت نوفمبر 10, 2007 12:06 am

هههههههههههههههههههههه بجد اجمد حلقه بتوحوح من الضحك يلا فى انتظار السابعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   السبت نوفمبر 10, 2007 12:44 am

هههههههههههههههههههههههههههه



مية مية يا مرمر



وعايزين الحلقة السادسة موحوحة ناااااااااار

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
marmar tota
عضو جديد
عضو جديد
avatar

عدد الرسائل : 20
العمر : 35
Localisation : الأسكندرية
تاريخ التسجيل : 22/09/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الإثنين نوفمبر 19, 2007 12:27 am

انا عاملة ليكم سوربرايز (مفاجاه يعني )

انا هنزلكم حلقتين في حلقه(هيد اند شولدزيعني)



بس بعد كده ابقي عدوا


بس المرة الجاية كلمتى لا يمكن تنزل الارض ابداآآآآ

أوك

واهلا بيكوا مشاهدينا الكرام فى احداث الحلقة السادسة وعلشان منطولش عليكوا

تعالوا نشوف الحلقة حصل فيها ايييييييه

احمد دخل لقى اتنين اعدين مكانه هو ونور

دي كانت نهاية الحلقة اللي فاتت يا شباب

ويارب الحلقة دي تعجبكم ومطولهلكم شوية اى خدمه عدوا الجمااااااايل بس

احمد : ايه يا كابتن انت وهو انا حاجز المكان ده من بدري

انت حاجز صالة ولا بلكون

احمد : لأ حاجز حمام يا خفيف

هو انت فاكرني شاي ولا ايه

احمد : ايوة شاي ومتاخدش في ايدي غلوة كمان

انت باين عليك متعرفش الكابو هيثم

احمد : وانت باين عليك متعرفش احمد ابن عم هريدي عمدة القرية

ههههههههههههههههههههههههههه

احمد : بتضحك على ايه يا ابن الدذمة

ودخل احمد في عراك وكأنه عراك بين الديوك ونور مش عارفة تعمل ايه
غير انها جابت النوت بوك بتاعها وفضلت تضرب مع احمد

احمد : اي اي ايه يا نور دي دماغي انا
نور : سوري يا احمد مكنش قصدي بجد
احمد : اخرجي انتي برا وايه الجلم الرصاص اللي بتضربي بيه ده
نور : انا لازم اموته لازم اكسره

وفجأة

دخل الدكتوووووووووور

الدكتور : في ايه يا ابني انت وهي وهو

احمد : هجطعه

الدكتور : تقطع مين يابني ...احنا في جامعة

احمد : جامعة مش جامعة هجطعه

نور : ايوة احنا هنجطعه

الدكتور : تعالوا برا انت وهي

احمد : لأ والنبي يا داكتور الجو ساجعة برا جوي

الدكتور : اطلع بقولك

نور : يلا يا احمد

احمد : يلا ايه وزفت ايه ...هو احنا رايحين نتفسح

وطلعوا يا عيني هما الاتنين ولسوء حظ احمد انه برضه محضرش المحاضرة دي كمان

احمد : انا مروح يا نور

نور : لأ خليك اعد معايا شوية

احمد : لأ يا نور انا مروح

نور : انا عايزة اتكلم معاك

احمد : بكرا ان شاء الله نتكلم كتير...ماهو كده كده مش هحضر بكرا برضه

نور : انت بتحب الماحضرات ليه يا احمد

احمد : انا جاي مصر عشان اتعلم يا نور مش عشان اتنزه

نور : انا عارفة انك شاب مش فاضي من جواك

احمد : ربنا يخليكي يا نور

نور : اي نعم انت مش مهتم بمظرك...ومش بتسرح شعرك حلو...بس حاسة انك وسيم اووي

احمد : ماتجولي معفن احسن يا ست نور

نور : انا مش اقصد خالص

احمد : ولا تقصدي...انا جيت مصر غلط من اساسه دي مش بيئتي ولا دي حياتي

نور : انا اسفة

احمد : انا اللي اسف ....عن اذنك

وبعد ما احمد مشي نور مشيت هي كمان وكانت زعلانة جدا من كلامها معاه ولو انها مكنتش تقصد بس احمد حساس حبتين

نور حاولت تتصل باحمد عن طريق جارته

نور : الو ممكن اكلم احمد جار حضرتك

الجارة : احمد مين يا انسة

نور : احمد جارك

الجارة : اااه تقصدي حمادة ميدو مودي

نور : انتي مسمياه كده

الجارة : هو بيحبني اووي اقوله كده

نور : طيب كويس ممكن تناديه

الجارة : احمد احمد احمد احمد

احمد احمد احمد احمد

احمد : سلام قولا من رب رحيم..اختشي يا ولية على دمك بجى في حد يخبط على حد الساعة عشرة بالليل

الجارة : يووه ايه يا ميدو ..انا خضيتك ولا ايه...طيب تعالى في حضن ماما تعالى

احمد : اخلصي يا ست عاوزة ايه مني وليه بتخبطي في وقت زي ده

تليفون عاوزك

احمد : والتليفون عاوزني في ايه

هههههههههههههههه جتك ايه يا موودي يا سكر
اقصد حد عاوزك على التليفون

احمد : ابوووووووويا جراله ايه انطجي قولي

لأ لأ ده صوت واحدة

احمد : امي امي اما مالها مالها

الجارة : ده صوت جثة

احمد : ههههههههههههههههههههههه
احمد : والجثة هتتكلم ازاي يا ام مخ تاخين

تعالى ورايا يا مووودي وانا اخليها تنطق وتتكلم

احمد : طيب يا وش المصايب

نور سمعت ضحك احمد ويا جارته دي ...وقفلت السكة

احمد : الو الو ...الو الو

احمد : هههههههههههههههههههههههههه

احمد : الجثة مش راضية تنطق...ده باين كده الجثة ماتت
هههههههههههههههههههههههههههههههههه

ووووووووووونشوفكم الحلقة الجاية ان شاء الله

_________________


بعد ما نور كلمت احمد في التليفون...وكانت زعلانة جدا لما سمعت صوت جارته...واحمد مكنش داري بالدنيا ساعتها ...من ساعتها احمد ابتدى يروح الكلية وكان متخاصم مع نور بعد كلمتها الجارحة ليه...انه مش استايل وشعره دايما منعكش....ابتدا ينتظم شوية في الدراسة لحد ما جت الامتحانات وده كان اخر يوم في الامتحانات

احمد بيكلم واحد صاحبه عن الامتحان

احمد : امتحان ممتاااااااز سهل ميا
صاحبه : حرام عليك..ده انا مكتبتش حرف
احمد : ليه جلمك اتجصف ولا ايه
صاحبه : لأ يابني الامتحان مليان
احمد : بوي ..مليان ايه انت هتجنني
صاحبه : في ايه دلوقتي
احمد : انت طلعت اول مسألة كام
صاحبه: محلتهاش
احمد : والتانية
صاحبه : 100
احمد : حمار
احمد : طب والتالتة
صاحبه : 2000
احمد : حمار
صاحبه : يوووه
احمد : طب والرابعة
صاحبه : محلتهاش
احمد : يا حمار هما تلاتة بس
صاحبه : انت اعد ولا هتسافر البلد
احمد : لأ هسافر انا مش ليا حد هنا

ولسة بيدور وشه....قرب عليه الملاك نور...وبصوت رقيق

نور : يارب تكون حليت كويس
احمد : ايوة الامتحان كان ممتاز
نور : لسة زعلان مني
احمد : وهزعل منك ليه...احنا بيننا ايه
نور : مفيش عادي بسألك ..انت ليه دايما عصبي
احمد : على فكرة انا لو مجبتش امتياز هيكون بسببك
نور : ليه بس...انا السبب
احمد : فاكرة الكام محاضرة اللي اتطردت فيهم بسببك
نور : هههههههههههههههههههههه
احمد : هههههههههههههههههههههههههههه
نور : وحياة اغلى ما عندك مش تزعل مني
احمد : طمنيني عملتي ايه في الامتحان
نور : بليز يا احمد متزعلش مني اسفة بجد
احمد :وحشتيني
نور : انا ؟
احمد: وحشتيني يا امي
نور : هههههههههههههههههههههههه
احمد :مالك اتخضيتي لما قلت وحشتيني
نور : وانا هتخض ليه
احمد : اسألي نفسك
نور : هه ظريف
احمد : امسكي نفسك شوية يا بت
نور : هههه خفيف
احمد : مش ملاحظة حاجة عليا
نور: لأ بس شايفاك مبسوط عن قبل كده الحمد لله
احمد : لأ لأ حاجة في شكلي
نور : الراجل مش بشكله
احمد : اااااااه والله....بعد ايه ...مش كان شعري متنعكش ومش بيتسرح
نور : انا مكنتش اقصد ...كنت بهزر معاك
احمد : اااااااااااااه بعد ايه بقى بعد ما جبت علبة كريم بامبرز ب 25 جنيه
نور : ههههههههههههههههههههههههه اسمه بالمرز
احمد : ايوة امسكي في التفاهات دي...يعني شعري وحش
نور : جميل
احمد : بجد
نور : جميل راتب ده ممثل ممتاز
احمد : ااه يا رخمة
نور : هههههههههههههههههههههههههه
احمد : انا هسافر اسبوعين وجاي تاني
نور : ليه كده خليك هنا
احمد : هستنى ليه
نور : نروح شرم الشيخ مع الجامعة
احمد : رحتها كتير كفر الشيخ
نور : شرم شرم
احمد : بتاعت البنات البلبوسة
نور : عيببببب
احمد : في ايه هو انا اللي بلبستهم
نور : خلاص بقى رد عليا عشان نروح ..اتصل بيا
احمد : ان شاء الله
نور : اوكي اشوفك على خير
احمد : كنت عايز اقولك حاجة مهمة اوووي من زمان
نور: ايه هي يا احمد قول قول
احمد : مش مسامحك على المحاضرتين اللي محضرتهمش بسببك
نور : مع السلامة يا احمد
احمد : سلام يا نور

وهو مروح بقى......عليا الطلاج لهروح الرحلة ....عاوزين نغير دو بقى

ووووووووووووونشووووووووفكم الحلقة الجاية

قريب ان شاااااااااااااء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أمير الرومانسيه
مدير المنتدى
مدير المنتدى
avatar

عدد الرسائل : 965
تاريخ التسجيل : 27/06/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الإثنين نوفمبر 19, 2007 10:49 am

هههههههههههههههههههههههه

شكرا يا مرمر

_________________
التوقيع:

----------------------------------------------------

امير الرومانسيه -------------- لاتعلمني شلون أحبك لأني حبيتك علمني شلون ألقاك لأني أحتاجك


[/img]

[/img][img]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
soso55555
عضو جديد
عضو جديد


عدد الرسائل : 16
العمر : 29
Localisation : alex
تاريخ التسجيل : 08/11/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الخميس نوفمبر 22, 2007 12:03 am

ههههههههههههههههههههههههههههههههههههههههه بجد بجد تموت من الضحك مرسى جدااااا يامرمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Islam
مدير المنتدى
مدير المنتدى
avatar

عدد الرسائل : 666
العمر : 28
Localisation : Egypt
تاريخ التسجيل : 25/01/2007

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الخميس نوفمبر 22, 2007 1:08 pm

شكرااااااااااااا يا مرمر على المجهود وبجد حلقتين جامدين أووووووووى

_________________
CRESPO 2007
LIVERPOOL
U'll never walk alone
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://arabmoon.editboard.com
بنوته شقيه
عضو جديد
عضو جديد


عدد الرسائل : 2
العمر : 27
Localisation : مصر (أم الدنيا)
تاريخ التسجيل : 01/05/2008

مُساهمةموضوع: رد: صعيدى بيحب بنت استايل اوى اوى فى الجامعه (حلقات)   الثلاثاء مايو 06, 2008 11:12 pm

جامده اوي الحلقات دي يامرمر وعايزين حلقات تانيه موحوحه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صعيدى بيحب بنت استايل اوى اوى فى الجامعه (حلقات)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات قمر العرب ( قمر فى سماء كل العرب ) :: °¨¨™¤¦ قسم الاقمار العامة ¦¤™¨¨° :: 5 فرفشة-
انتقل الى: