يبقا انت اكيد فى مصر

**حماده**

يبقا انت اكيد فى مصر
ده عنوان موضوعناوالى احنا هنتكلم فيه عن بعض الصفات السيئه الى موجوده فى الشارع المصرى و المجتمع المصرى و لابد من تغيرها . و هيكون ده سلسه من المقالات ان شاء الله اما لماذا اختارت الاسم ده فالاسم ده عجبينى من برنامج فى قناه فضائيه تدعى(o.tv) وبس
السبت 1/9/2007
اما تلقى ماشاء الله كل حاجه بتغلا الا مرتب الموظف هو الى بينقص يبقا انت اكيد اكيد فى مصر اما تلقى مرتب المدرس الى هو بيخرج اجيال . المدرس الى هو مهنة شرف ده حتى بيقلوا من علمنى حرفا صرت له عبدا تلقى مرتبه 200 جينه يدوب يبقا انت اكيد اكيد فى مصر . واما تلقى الواحد يتعلم و شوف اهله بيصرفوا عليه قد ايه لحد مايتخرج واما يشتغل ده اذا اصلا لقى شغل فى الحكومه ده اذا لقى شوف يبقا مرتبه قد ايه ميعديش ال 150 جينه و لا هيقدر يعمل بيهما حاجه و لا هيقدر يجيب الفلوس الى اتصرفت عليه وهو بيدرس يبقا انت اكيد اكيد فى مصر و انا لحد دلوقتى مش عارف ليه دخل الفرد عندنا منخفضا او ليه احنا من دول العالم الثالث ده احنا المقومات عندنا توهلنا الى احنا نكون دوله متقدمه بص ياسيدى
1_ اما نبص للدوله زى اسبانيا نلقى دخله كله من السياحه نستغرب و نقول امال احنا ازاى ميكونش دخلنا اكتره من السياحه و احنا عندنا 3/2 اثار العالم ! يبقا انت اكيد فى مصر
2_ اما تبص و تلقى انا احنا عندنا قناه السويس اهم مجرى مائى و معبر مائى و بتمر سفن و ناقلات كثيره و بدخل ماشاء الله دخل كويس و احنا لسه فقرا يبقا انت اكيد فى مصر
3_اما تلقى المسطحات المائيه بحر احمر و بحر متوسط ونهر نيل و مش عارفين نستغل ده يبقا انت اكيد اكيد فى مصر
4_ عندنا القوه العامله احنا 75 مليون يعنى موارد بشريه هائله يبقا انت اكيد اكيد فى مصر
نكمل و لا نقول ايه نقول يبقا انت اكيد اكيد فى مصر
haMada2007